點撃按鈕!立即下載DSE卷
點撃按鈕!立即下載名校卷
* 此頁提供 DSE Pastpaper 名校卷為網上連結，請緊記所有 DSE Pastpaper (包括 2012-2022） 版權屬香港考試及評核局所有，下載後請於 24 小時內刪除，下載的 DSE Pastpaer 僅用於教學用途，因此造成的任何責任與本站無關！
彈卷! 有齊DSE 名校卷 一鍵download hkdse past paper + 女拔男拔名校各科試卷 日日update dse試卷下載, dse past paper買, dse past paper邊度買, 考評局past paper, 小卒dse past paper, 旅遊與款待 DSE Past paper, DSE00, 中文dse past paper
* 此頁提供 DSE Pastpaper 名校卷為網上連結，請緊記所有 DSE Pastpaper (包括 2012-2017） 版權屬香港考試及評核局所有，下載後請於 24 小時內刪除，下載的 DSE Pastpaer 僅用於教學用途，因此造成的任何責任與本站無關！
website name: 彈卷!一網有齊所有DSE卷+名校卷 dse past paper 男拔女拔DGS DBS
keywords
dse試卷下載, dse past paper買, dse past paper邊度買, 考評局past paper, 小卒dse past paper, 旅遊與款待 DSE Past paper, DSE00, 中文dse past paper
Heading:
[獨家下載] 彈卷! 有齊DSE 名校卷 一鍵download hkdse past paper + 女拔男拔名校各科試卷 日日update
link:
文章
【所有科HKDSE Past Paper】歷屆CE/AL/DSE Past Paper 搜尋攻略 (by topic/by year)+操卷溫書心得
DSE、AL、CE 各科嘅 Past Paper 對每位 DSE 考生嚟講都係必備之物！但係要 by topic、by year 咁搵齊佢哋就好嘥時間，所以 https://ikids.page 幫各位同學整合咗邊到可以搵到 Past Paper 下載 download。另外，我哋仲會送上各科嘅操 Past Paper 心得同埋溫書 Tips！
歷屆CE/AL/DSE Past Paper 搜尋攻略
DSEPP
相信各位有搵開 Past Paper 嘅同學都唔會對呢個網站陌生。佢係小編個人認為 DSE Past Paper 嚟講，最方便同較齊全嘅網站。佢唔單止有歷屆 DSE Past Paper (包括練習卷、樣本試題) 題目 question + 答案 answer，亦有齊每一科嘅分卷（e.g. 中文有齊卷一、二、三、四，英文有齊Paper 1,2,3,4）。雖然依家暫時只係更新到 2017 年，但係每一年嘅資源都非常齊全。
另外佢啲 Past Paper 可以直接透過 https://ikids.page 嘅網站打開，唔需要另外再喺 Google Drive 打開文件，亦唔一定要下載 download 個 file 檔案落電腦。
包含科目：中文 Chinese、英文 English、數學 Maths、數學延伸單元一 M1、數學延伸單元二 M2、通識 LS、生物 Bio、化學 Chem、物理 Physics、中國歷史 Chinese History、歷史 History、經濟 Econ、地理 Geog、企會財 BAFS、資訊及通訊科技 ICT。
語言：中文版 + 英文版 English Version
免費下載 DSE Past Paper
DSE Past Paper 連 Answers (Marking Scheme) 上網都唔容易揾，所以我為大家搜羅咗歷屆各科 HKDSE Pastpaper 試題 (CE +DSE )，DSE 由 Sample Paper 到 2019 年，By Topic 和 By Year，以及中文、英文版本都有。
中文科
英文科
數學科
M1
M2
通識科
Physics 物理科
Chemistry 化學科
Biology 生物科
BAFS 企會財科
ECON 經濟科
DSE00
比起 DSEPP，喺年份方面嚟講，DSE00 呢個網站嘅 Past Paper 更為齊全。佢包含晒 HKCEE 會考，HKDSE 香港中學文憑試 (2012-2018) 同埋HKALE A-Level 高考嘅試卷，有時仲會有埋坊間嘅 Mock 卷。不過，佢唔一定有齊所有分卷question 同埋答案 marking scheme，同學們亦需要 Click 入佢個 Google Drive download 下載試題。
包含科目：中文 Chin、英文 Eng、數學 Maths、數學延伸單元一 M1、數學延伸單元二 M2、通識Liberal Studies、生物 Biology、化學Chemistry、物理 Phy、中國歷史 Chinese History、歷史 Hist、經濟 Economic、地理 Geography、企會財 BAFS、資訊及通訊科技 ICT、音樂 Music
語言：中文版 + 英文版 English Version
除左 Past Paper 之外，DSE00 仲有其他資源，例如一啲關於各科 cut-off 分數、溫書技巧、JUPAS、大學面試 Interview、選課等等嘅文章，如果大家有興趣可以睇吓。
小卒論壇
小卒論壇比起上面兩個網站嘅資源更為齊全，無論係 CE、DSE、AL，定係 by year、by topic，基本上你想要嘅嘢都可以搵到。不過真係要「搵」！由於佢係一個論壇，入面嘅資源種類繁多 (有 n 個版主、版塊、主題、貼文)，網站又只係大概咁幫大家分咗學術區、大專/大學區、初中/高中討論區、補習專區同 HKDSE 資源求檔區等，所以同學可能要花啲時間搵下所需要嘅 Past Paper。
注意！各位要先免費註冊做網站會員，再回覆貼文，然後先可以睇到啲隱藏內容 (即係大家所需要嘅 Past Paper)。雖然好似好煩咁，但係小編認為呢個網站非常有用，建議各位同學都去註冊一下！註冊完，真係可以 download 下載到好多試題㗎！
包含科目：所有主要科目
語言：中文版 + 英文版 English Version
香港公共圖書館 (多媒體資訊系統)
想做會考 CE 同高考 AL 嘅試卷，大家可以去圖書館個網 by year 咁搵吓有無所需要嘅 Past Paper，然後親身去公共圖書館借。不過喺呢個數碼化嘅時代，大家亦可以選擇留喺屋企，利用香港公共圖書館多媒體資訊系統入面嘅「數碼館藏」。「數碼館藏」有一個「香港會考及高考試題特藏」，喺呢個館藏區裡面，圖書館將CE + A-Level 所有科目嘅 Past Paper 都 scan 成電子書(有題目 question + 答案 marking scheme) 。 連比較冷門嘅科目，好似德文 German 同倫理及宗教 Ethics and Religious Studies 都有。雖然 e-version 嘅試卷就無去到 80 年代咁遠，但係大家都可以好輕鬆咁喺度搵到年份較近嘅 Past Paper。
包含科目：全部
語言：中文版 + 英文版 English Version
考評局 HKEAA
通常比較新嘅 DSE Past Paper 真係非常難搵。如果你點都搵唔到，但係又好想做呢啲 DSE 試題，可以考慮去考評局買各科嘅考試試題專輯。本嘢入面有晒試卷、評卷參考同埋考生表現評論。大家亦可以選擇郵購、上網或者親身去考評局嘅兩個辦事處買。（其實有好多中學或者老師都會買考試試題專輯，所以同學喺自己畀錢買之前，不妨問下相關科目嘅老師，睇吓有無得借）。
包含科目：全部 DSE 科目
語言：中文版 + 英文版 English Version
操 Past Paper 歷屆試卷心得 + 溫書 Tips
DSE 中文 Past Paper 操卷心得 + 溫書Tips
HKDSE 中文評核模式
根據考評局 2022 年評核大綱，考評局將 DSE 中文卷主要分為兩個部分：公開考試（DSE）+ 校本評核（SBA）。同學需要迎戰嘅有三份卷（卷四說話卷已被取消），包括：
卷一（閱讀能力）佔全科 32%，考試時間為 1 小時 30 分鐘
卷二（寫作能力）佔全科 32%，考試時間為 1 小時 30 分鐘
卷三（聆聽及綜合能力）佔全科 26%，考試時間約為 1 小時 30 分鐘（實際卷長可能會受試場因素影響）
校本評核（SBA）有閱讀活動（佔全科 10% 的分數）
閱讀活動並唔係每間學校都係一樣嘅，有啲會叫同學寫閱讀紀錄；有啲都會叫同學寫長達 1000 字左右嘅閱讀報告。部分學校都會提供建議書單畀同學～
中文 DSE 溫書攻略
數數手指原來小編同 DSE 相隔都已經有一段時間，但都希望以一個過來人嘅身份同同學分享吓自己當時溫中文嘅心得〜
DSE 中文卷一：閱讀能力
做閱讀理解最重要係分配好時間，尤其卷一多咗範文部分，要喺 1 小時 30 分鐘之內做晒 3 part 確實係會好趕。小編建議同學用 20 分鐘做晒範文部分，剩低嘅時間就根據白話文同文言文嘅分數而分配。
小編強烈建議同學要溫熟範文部份，因為呢 part只要溫熟佢嘅語譯、中心思想、論證手法等等就可以攞到分，呢 30 分絕對值得大家投放時間同心機落去。另外小編都明白唔少同學都會好驚面對範文同文言文，但要消除對文言文嘅恐懼，最緊要係識得克服！小編嗰陣溫文言文係會用一本簿仔記低經常出現嘅古詞嘅意思同同義字，久而久之小編就會認得某幾個「老是常出現」嘅字，從而慢慢睇得明文言文同 get 到佢嘅主旨〜
除咗要溫文言文之外，小編建議同學每個星期都做一份閱讀卷，除咗可以幫你做好時間管理，仲可以幫你了解到考評局嘅評分準則。每做完一份試卷透過對答案，你可以捉到你失分嘅位喺邊同埋考評局畀分嘅原因，每次花呢少少嘅時間就可以幫到你提升你嘅答題技巧同得分。
小編建議同學嘅操卷順序應該係：DSE Past Paper 中文閱讀卷 → CE Past Paper。DSE 卷應該要全部做晒先，因為係考評局嘅官方試題，而 CE Past Paper 小編建議大家可以先做咗 2007-2011 年嗰啲先，因為 2007 年之前嘅 CE 閱讀卷同 DSE 出題模式有啲唔同，所以參考價值相對唔大，同學有多餘時間先再考慮操。
延伸閱讀：【DSE中文卷一】閱讀理解攻略 (十二篇範文+答題技巧)
延伸閱讀：【十二篇範文】DSE中文範文筆記(內容+問答重點)
DSE 中文卷二：寫作能力
想當年小編最唔鐘意做嘅卷就係寫作，因為平時冇閱讀嘅習慣令到自己文筆較差，但中六嗰年都堅持每個星期作一篇畀中文老師改，希望喺最短時間改善自己嘅文筆同表達能力。小編建議同學平時除咗睇多啲書，得閒都可能寫吓短文去紀錄低日常生活嘅大小事，相信一段時間後你嘅文筆都會有進步！
喺試卷時間分配上，同學可以用 5 分鐘去畫吓 mind map 可以幫你組織文章結構。如果你想寫敍述文，你就要諗吓文章嘅「起承轉合」同中心思想；想寫議論文嘅話要諗下文章嘅立場，每一段用咩論據同點樣論證。呢個方法可以幫你喺作文嘅時候冇咁易離題。
操卷嘅話，同學除咗 DSE 卷之外，CE 嘅寫作卷都應該操埋，因為佢同 DSE 一樣都有議論文同敍情文嘅文章題型，而考評局 CE 同 DSE 寫作卷 marking scheme 嘅評分準則都差唔多，所以絕對做得過！
延伸閱讀：【DSE 中文卷二】記敘文寫作秘笈
延伸閱讀：【DSE 中文卷二】議論文寫作技巧全攻略
DSE 中文卷三：聆聽及綜合能力
小編覺得綜合卷係一份好值得大家多溫習嘅卷，因為比較容易上到高分。小編溫呢份卷係會做晒 Past Paper 同其他免費模擬試卷，會對比自己嘅答案同 5** 作品，睇吓人哋喺作答嘅時候用咩角度切入，點樣用資料去支持自己嘅 point。
雖然 2016 年開始 DSE 中文卷三同卷五合併，但兩份卷本質上都冇太大分別，所以小編都幾建議同學可以做埋 2016 年之前嘅 Past Paper，可以俾自己練多啲綜合同聆聽技巧。
DSE English Past Paper 操卷心得 + 溫書Tips
HKDSE English 英文考核要求
根據考評局 2022 年英文科評核大綱，同學需要喺 DSE 英文科應考嘅四份卷，分別係：
Paper 1 (Reading) Weighting : 20%，考試時間為 1 小時 30 分鐘
Paper 2 (Writing) Weighting: 28%，考試時間為 2 小時
Paper 3 (Listening & Integrated Skills) Weighting: 30%，考試時間約為 2 小時（實際卷長可能會受試場因素影響）
Paper 4 (Speaking): 10%，考試時間約為 20 分鐘
英文卷同中文卷都一樣都有 SBA，日夜校學生需要交 SBA 校本評核，而 SBA 佔全科分數 15%。自修生無須進行 SBA 校本評核，而自修生 SBA 嘅分數係根據你英文科 DSE 考試所得個 level，然後再睇全香港考生同你考相同 level 嘅人嘅 SBA 分數，再作調整之後，就係你 SBA 個分。
而喺 DSE 英文科入面，卷一閱讀理解、卷二寫作、卷三聆聽及綜合都有分 Part A 同埋 Part B；而卷一閱讀理解同卷三聆聽及綜合嘅 Part B 仲有分 B1 同 B2 部分。記住，同學只需要應考 Part A （必答）同埋選擇作答 Part B1 或者 Part B2。
B1 同 B2 有咩分別呢？相對而言，B1 比 B2 更加簡單，但係答 B1 嘅同學要注意，你就算全卷答啱曬都好，你最高只會攞到 Level 4；相反你答 B2 最高就可以攞到 5**。不過講到尾，同學應該按照自己嘅能力選擇翻合適嘅試卷。
同學係唔需要 B1 同 B2 同時作答，你交卷都淨係交 B1 或者 B2 其中一份㗎咋！同埋英文卷操練都係有方法㗎！所以同學唔好淨係盲目咁操練、答題改題啊！
溫習 DSE 英文小貼士及操卷攻略
好多同學都唔知點樣溫英文呢一科，同埋唔知應該由邊到落手，令到溫習英文科成為一眾考生好困擾嘅事。想當年小編為咗 DSE English 都下咗唔少苦功，今日就同大家分享吓小編當年係點溫英文啦。
DSE English Paper 1: Reading
小編嗰陣不斷做 Reading Paper，做完 DSE 就會做 CE/AL，甚至係其他出版社嘅 material。千祈唔好做完份試卷求其剔完答案就算呀，記得每次對卷嘅時候除咗對答案之外，仲要睇吓自己失分嘅地方、點解錯、以及自己同考評局嘅標準答案有咩出入，慢慢你就會捉到考評局想你點答㗎啦〜
小編都有一個貼士，可以幫大家喺做 Reading 卷嘅時候更快更準。同學喺正式睇文章之前，首先快速睇一次試題，而大概估到篇文想講啲咩。而喺閱讀文章嘅時候，可以用唔同顏色嘅螢光筆 highlight 一啲專有詞（例如人名、數字、組織名等等）同埋特別難嘅字，因為呢啲字有機會係之後問題嘅答案，到時就唔洗嘥時間喺篇文到搵 answers。
除咗平時操卷，小編建議大家睇多啲英文新聞（SCMP、BBC、The New York Times）同埋課外書，雖然一開始會睇得好慢，但只要持之以恆，慢慢就可以改善閱謮嘅速度同埋語感。
正如上面都有提及，AL 會比 CE 難而且程度同 DSE 相若，而 AL 會比較著重喺 Grammar 同語感，所以題目大多數都會係 summary close 同 MC 題。建議同學可以做咗 DSE Past Paper 先，然後做 2005-2011 年嘅 AL（幫大家加強語感同理解文章嘅能力），有時間（或者能力相對低嘅同學）可以再選擇做 CE Past Paper。
延伸閱讀：HKDSE English Paper 1 Reading 技巧
DSE English Paper 2: Writing
小編都試過喺作文嘅時候會格梗塞一啲好難嘅英文字，以為會有豐富詞彙之效，篇文會好靚同埋可以從中加分。的而且確，如果我哋用啱字嘅話，係可以令到篇文嘅質素有所提升。但如果用錯嘅話，會令到考官對文章嘅印象唔好，就好似早幾年好多人都鐘意用“Every cloud has a silver lining”，有機會令到篇文章被扣分，就真係弄巧反拙㗎啦！所以小編建議大家可以整一本vocab book，閱讀嘅時候寫低你唔識嘅英文字佢嘅中英文解釋、part of speech、例句。當你每一日都攞呢本 vocab book 複習嘅時候，你嘅詞彙就會越來越多，亦都會更加清楚呢個字到底係乜場合先啱用。
仲有一個攻略係，想當年小編每個禮拜都會作兩篇文比英文老師或者係補習老師批改，之後佢哋會再同我講返篇文有啲咩可以改善，例如係唔通順嘅句子，用錯 vocab 等等。要留意嘅係學好英文科，由其係 Writing 都唔可以臨急抱佛腳，建議各位同學唔好等到中六先開始瘋狂作文，由中四開始就要 keep 住每個禮拜都作一篇文呢個習慣，相信三年之後會對你有一定嘅幫助。
至於操卷方面，除咗做 DSE Past Paper 之外，同學都可以考慮吓做每年 CE Writing Paper 嘅 Task 2 同 AL Writing Past Paper，CE 嘅 Task 2 要求考生寫 250 字，同 DSE Task 1 要求嘅 250 字以及題型相若，而 AL 四選一題目同 DSE Task 2 嘅考試模式都好相似，所以小編認為同學可以以 CE Task 2 + AL 四選一題目呢個組合操練。
延伸閱讀：DSE英文卷二寫作卷作文技巧
DSE English Paper 3: Listening
小編認為溫習 Listening 最緊要係多聽，睇 Netflix 嘅時候試吓開英文字幕，甚至唔開 subtitle，開頭會聽唔切或者聽唔明，但慢慢你就會跟到佢哋嘅語速以及聽得明唔同嘅 accent。另外亦都建議大家可以去聽英文電台例如 BBC radio，一路聽新聞一路默寫返新聞稿，可以訓練到你 jot notes 嘅速度㗎！
而喺做卷方面，小編建議無論同學揀 B1 定 B2，喺 Data File 搵資料嘅時候都應該用唔同顏色嘅螢光筆間低重點字眼，同埋一啲專有名詞，可以幫你之後做嗰三個 tasks 都可以慳返啲時間。而時間分配方面建議同學應該按照分數比例去分配時間，平均喺 25 分鐘內完成一個 task，如果字數同分數都多嘅話可以用 35 分鐘作答。
同學應該要操練晒 DSE Past Paper 先做 AL 同 CE，CE Part A 嘅難度會較為貼近 DSE Part A 頭三個 tasks，而 AL Part A 因為語速較快同較多資料，難度會比較似 DSE Part A 後幾個 tasks，同學可以由 2006 年做到 2012 年，建議同學做完 CE 再做 AL，程度會慢慢加深。
延伸閱讀：DSE English Listening Paper 3 聆聽格式+技巧
DSE Maths Past Paper 操卷心得 + 溫書Tips
HKDSE Maths 數學 — 考核要求
根據考評局 2022 年數學科評核大綱，數學卷有分必修同埋選修部分。
必修部分有卷一（長答 LQ）同埋卷二（選擇題 MC）：
數學卷一 LQ 長答 （考試時間 2 小時 15 分鐘，佔全卷 65%）
數學卷二 MC 選擇題（考試時間 1 小時 15 分鐘，佔全卷 35%）
選修部分為兩個單元，每個單元只考一份試卷，同學只可報考其中一個單元：
單元一 M1 微積分與統計（考試時間 2 小時 30 分鐘）
單元二 M2 代數與微積分（考試時間 2 小時 30 分鐘）
溫習 DSE 數學小貼士及操卷攻略
重要！Maths 數學操卷三部曲
成日聽人話唔好「死讀書」，其實亦都唔可以「死操卷」。雖然大家已經有歷屆 Past Paper 係手，但都唔好咁心急開始操住。眾所周知，DSE 唔單止係一個考知識嘅考試，亦係一個玩考試技巧嘅遊戲。喺操歷屆試題之前，不妨留意一下有咩考試技巧，做下其他練習，熟悉下呢個遊戲先。到操卷嗰一刻，一定會事半功倍。
清 Concept，記數學公式
喺開始操卷之前，首先一定要清曬所有 concept，熟悉所有數學公式。如果喺咩都唔記得嘅情況下操卷，只會浪費咗份試卷 (始終 Past Paper 數量有限，唔好咁浪費啊喂)。知道各位同學一直想搵一份最完整嘅數學公式表，所以我地就特登邀請經驗豐富嘅 Gary Sir 幫手整理咗一份按照 DSE Syllabus by topic 咁排好嘅數學Maths formula sheet 公式筆記。快啲 save 低啦！
DSE Maths 考試 Skills
小編作為一個文科人，當年係靠計數機 program同考試技巧打數學大佬，最後成功送自己入到大學。所以，喺操卷之前記得入好曬啲 program！
另外，講到數學考試技巧，就一定唔可以唔提Paper 2 MC 卷。手握 MC 技巧，分分鐘可以令你升一個 level！想知考 MC 有咩技巧，不妨睇下【DSE Maths MC 全攻略】如何提升答題速度200%？
DSE 數學操卷攻略
當你部計數機已經入曬啲 program，個腦又裝晒啲數學公式同考試技巧時，就係時候開始準備操卷喇！雖然 AfterSchool 小編好畀心機咁搵埋年代久遠嘅 Maths Past Paper 俾大家參考，但其實真係唔使操晒所有㗎！無論 by topic 定係 by year，操卷都係有技巧！DSE 至少考 6 科，如果科科都要操晒咁多年嘅卷，真係分分鐘暴斃……想有效率咁操卷，就一定要避免操卷常犯嘅錯誤。點樣操卷先有用？快啲睇【DSE Maths】數學Past Paper操卷技巧！
其實考好 DSE 數學科嘅公式好簡單，就係【技巧 + 操卷】。AfterSchool 提供啲考試技巧比你，你自己再付出少少努力，相信各位同學到時一定可以打贏數學呢個大 Boss！
延伸閱讀：DSE Maths MC 技巧
DSE LS Past Paper 操卷攻略及 LS 溫書小貼士
根據考評局 2022 年通識科評核大綱，2022 DSE LS 公開考試部份分為卷一（資料回應題）及卷二（延伸回應題），分別佔全科分數 62% 同 38%。
到底 DSE 通識想考你啲咩？
讀通識 LS 你唔一定要通通都識，但就肯定唔可以咩都唔識！講到尾，讀通識都係為咗考通識，所大家第一樣要知嘅野就係「佢到底考你啲咩？」好多同學以為考通識非常輕鬆，完全唔使溫書，淨係行入試場吹水同寫一大堆廢話。No No No！如果你有咁嘅諗法，你依家嘅處境非常危險，因為通識並無你想象中咁簡單。快啲睇《逐一破解通識四大迷思+教你準備通識考試！》儘早拯救自己嘅生命……
備戰 LS 溫書攻略
溫考試並唔係一朝一夕嘅事，提早開始準備對大家將來 DSE 絕對係有好無壞。唔似其他科咁，通識嘅教科書的確望落無咩嘢可以溫，最多俾大家背吓概念詞 Concept Words。想考好通識又唔知可以點溫？等 AfterSchool 送一篇 Liberal Studies 通識備戰攻略俾大家，等各位同學了解下通識到底係點溫啦。記住！通識絕對唔係食咗本書就會考得好嘅科目嚟㗎！
DSE 通識考試技巧
通識筆試分為卷一 Paper 1 同卷二 Paper 2，兩份卷要注意嘅嘢亦有分別 (大家可以參考下通識 Paper 1 同埋 通識 Paper 2)。
但同時，兩者對考生都有一啲共同嘅要求：除咗要熟悉唔同嘅議題 topic、例子 example、概念詞 concept words 之外，大家亦要熟悉各類題型、答題框架、格式，包括資料回應題同埋延伸回應題。呢到就有一篇 Issac Sir 整理咗嘅通識 LS題型 + 答題技巧全方位筆記。份筆記非常有用，因為只有熟悉各類答題框架同格式，你先可以清晰表現出自己嘅「邏輯思維」。另外，對於無寫開文嘅同學嚟講，考試點樣分配時間絕對係你要知道嘅野！特別係卷一，一開卷就係同時間嘅競賽。時間就係分數！時間控制 Time Management 係非常非常非常重要！
BTW 除咗知道考試要做啲咩之外，大家亦要了解下有啲咩係唔可以做，千祈唔好犯 DSE 通識大忌啊……
IES 攞高分方法
DSE 通識 LS 除咗計算「公開考試」試卷嘅分數之外，大家亦唔好遺忘咗「校本評核」(即係 IES) 呢個佔全卷 10% 嘅部分啊！10% 雖然睇落唔算多亦唔算少，但係其實分分鐘影響你一至兩個 grade。其實要做一份幫自己升 level 嘅 IES 一啲都唔難，你要做嘅嘢只係 set 一條「好題目」同埋係做嘅過程中保持「細膩」。點先算係「好題目」？所謂嘅「細膩」又係咩嚟？
Click 入《IES 要細膩才犀利》自己搵答案啦！
DSE Biology Past Papers 操卷心得 + 溫書 Tips
HKDSE Biology (Bio) — 考核要求
根據考評局 2022 年 Biology 評核大綱，DSE Biology 生物考試由「公開考試」同埋「校本評核」兩部分組成。
「公開考試」分咗卷一 (必修部分) 同埋卷二 (選修部分)：
試卷一 Paper 1 (必修部分) (考試時間 2 小時 30 分鐘，佔全科 75%)
甲部 Section A：多項選擇題 MC (佔全科 22.5%)
乙部 Section B：短題目 short questions、結構式題目 structured questions、論述題 essay question (佔全科 52.5%)
試卷二 Paper 2 (選修部分) (考試時間 1 小時，佔全科 25%)
DSE 生物 Bio 攻略筆記
Bio 溫書方法
一個唔識英文嘅人去學英文會學乜嘢先？會學 ABC 先，因為簡單而且係所有英文字嘅基礎。唔學 ABC 基本上就唔使學其他字住。讀 Bio 亦係同樣嘅道理，只有由淺入深咁學，由最基本嘅學起，先可以將唔同嘅 Topic 融會貫通，了解課題與課題之間嘅關聯。想考好 Bio 又唔知點溫？放心，一早有人幫你安排好溫書順序！快啲入嚟睇下 《必學 Bio溫書次序—課題歸類法》啦！
生物科操卷攻略
上面幫大家搵咗好多屆 Past Paper 翻嚟，但係點樣做先可以發揮佢地最大嘅效用呢？其實操卷都係有方法㗎！好努力但係用錯方法，一切都只會係徒勞無功…… 唔好再浪費寶貴嘅溫書時間啦，入嚟快速睇完《每個讀 Bio 嘅同學都會有嘅四大迷思》，然後再用正確、有效率嘅方法操卷啦。
Biology 考試技巧
講到 DSE Bio 生物考試，就唔可以唔提好多同學嘅死穴 — 實驗題型。但其實呢啲「變幻莫測」嘅題目都只係換湯不換藥，淨係得個樣嚇你。只要溫書嘅時候，放多少少時間去搞清楚實驗基本嘅concept、definition，再分析每題 Past Paper 背後出題嘅目的，就可以輕鬆應付到佢地。想再知多啲點樣 K.O. 呢類型嘅題目就要睇《BIO實驗題型—三大溫習方法》啦。
DSE Chem Past Papers 操卷心得 + 溫書 Tips
HKDSE Chemistry 化學 — 考核要求
根據考評局 2022 年化學科評核大綱，化學 Chem 嘅考試分為「公開考試」同埋「校本評核」兩個部分。
「公開考試」有分試卷一 (必修部分) 同埋試卷二 (選修部分)：
卷一 Paper 1 (必修 Compulsory)（考試時間 2 小時 30 分鐘，佔全卷 75%)
甲部 Section A： 多項選擇題 MC (佔全卷 22.5%)
乙部 Section B： 短題目 short questions、結構體 structured questions、論述題 essay questions （佔全卷 52.5%）
卷二 Paper 2 (選修 Elective) （考試時間 1 小時，佔全卷 25%）
DSE 化學 Chemistry 小貼士 Tips
Chem 溫書技巧：背書、清 Concept，然後再操卷
如果你成日諗：「明明我已經好比心機咁做卷，點解啲成績都無咩大進步？」咁就可能係你未背熟啲書，或者未搞清啲 concept 啦。Molecule 分子、 Ion 離子、原子 Atom 你識分未啊？稀釋 (Dilution) 嘅概念你又搞清楚未啊？想考好化學 Chemistry，就先要打一個好嘅基礎。雖然化學屬於理科，但係要背嘅嘢一啲都唔少，所以奉勸各位千祈唔好臨考試前一兩個月先走去背書，最好一路學一路背 (因為越早背就越熟)。對於 Chem 呢科嚟講，equation 公式、chemical reaction 化學反應、ion 離子嘅顏色，又或者structure 結構等等，就好似支撐住你 DSE 成績嘅重要根基，無背好基本上就等於無分。
建議大家可以順住個 syllabus 咁去背書，由基礎開始，背背定義、清清 concept，循序漸進、腳踏實地咁打好基礎。另外亦可以 follow 我地instagram 嘅化學 Chem 學術台@dse.chemistry，我地會不時分享 DSE Chem 必背嘅送分題，快啲 follow 啦！
操卷攻略
喺做 DSE/CE/AL Past Paper 之前，不妨先做下坊間嘅 Mock Paper，又或者做多幾次學校以前嘅工作紙/測驗/考試卷，之後分析下自己邊啲 topic 特別弱，再集中溫佢地，甚至 by topic 咁操卷。喺確保自己所有野都 ready 嘅時候，先開始操歷屆 Past Paper。
同其他科一樣，考化學 Chem DSE 都要注意時間控制。例如喺做 Paper 1 Section A MC 部分嘅時候，就會有好多同學唔小心用多咗時間。所以操卷嘅時候，不妨養成一個 set time limit 嘅習慣，規定自己一定要喺某個時間裡面完成幾多條題 (e.g. 50 秒要做到 1 題 MC)，幫自己建立一個良好嘅時間觀念，到時正式考 DSE 嘅時候就自然唔會咁慌張。
DSE Physics Past Papers 操卷心得 + 溫書 Tips
HKDSE Physics 物理 — 考核要求
根據考評局 2022 年物理科評核大綱，DSE Physics 物理考試由「公開考試」同埋「校本評核」兩部分組成。
「公開考試」分咗卷一 (必修部分) 同埋卷二 (選修部分)：
試卷一 Paper 1 (必修部分 Compulsory) (考試時間 2 小時 30 分鐘，佔全科 75%)
甲部 Section A：多項選擇題 MC (佔全科 26.25%)乙部 Section B：短題目 short questions、結構式題目 structured questions、論述題 essay question (佔全科 48.75%)
試卷二 Paper 2 (選修部分 Elective) (考試時間1小時，佔全科 25%)
DSE 物理 Physics 小貼士 Tips
Physics 溫書流程 Study Flow
其實溫物理 Physics 無咩嘢捷徑，溫書流程大概就係以下咁：
溫書 → 做練習 (e.g. 測驗卷、考試卷、Mock 卷) → 操 Past Paper
計埋會考 CE 同 A-Level 嘅試卷，雖然好似望落有好多 Past Paper 咁款，但其實對大家最有幫助嘅係 DSE 嗰堆。所以小編會建議大家先溫書 train 好自己個腦，喺確保你理解所有 formula 公式嘅運用之後，再由 Physics 書裡面嘅例題、學校工作紙/測驗卷/考試卷、CE Past Paper 開始做起 (有能力嘅可以做埋 A-Level)，最後先做 DSE 試卷，以發揮佢地最大嘅效用。
物理 Phy 溫書攻略
淨做 Past Paper 但係唔研究自己嘅弱點係無用嘅。因為到最後，通常大家都會做 Past Paper 做到識背曬啲答案咁濟。所以喺操卷嘅過程入面，大家要仔細研究自己嘅錯處。小編建議各位同學可以用手機影低成日錯嘅題目，當整一份電子筆記咁，得閒無聊嘅時候攞出黎望兩眼。望得多就會自然容易記得，考試嘅時候都會比較注意。另外，大家亦可以 follow 我地 instagram 物理 Physics 學術台 @dse.phy，我地唔單止會不時post 一啲關於 DSE 物理考試 syllabus 嘅小貼士，仲有一個 Physics 問題收集區，隨時幫各位解答關於 DSE Physics 嘅難題。
DSE Econ Past Paper 操卷心得 + 溫書 Tips
HKDSE Economics 經濟 — 考核要求
根據考評局 2022 年經濟科評核大綱，DSE Econ 經濟科考生只需進行「公開考試」。
「公開考試」分咗卷一同卷二：
卷一 Paper 1：必修部分 Compulsory
考試時間 1 小時，佔全科 30%
多項選擇題 MC
卷二 Paper 2：必修部分 Compulsory + 選修部分 Elective
考試時間 2 小時 30 分，佔全科 70%
甲部 Section A：必修部分 (佔全科 30%) (短題目 Short Questions)
乙部 Section B：必修部分 (佔全科 40%) (結構 structured / 文章式 essay-type / 資料回應 data response)
Economics 經濟溫書考試技巧
溫書攻略筆記
想考好 DSE Econ 最最最重要係熟悉所有 concept。所謂「熟悉」，唔單止要你知道佢嘅存在或者知佢會喺邊一課出現，仲要你可以好清楚咁分辨到唔同 concept 之間嘅分別。係操歷屆 Past Paper 之前，不妨利用學校/坊間嘅 mock 卷、練習卷黎溫吓書先，透過答短題目、畫圖、做 MC 去了解自己嘅弱點，之後再 by topic 或者按題型咁操練自己嘅弱點。另外，喺做完卷對 marking scheme 嘅時候，記得留意有乜「得分位」同埋「失分位」啊！
DSE Econ 考試技巧
其實 Past Paper 做得多，你就會發現啲題目類型其實差唔多。不妨按照以往嘅 marking scheme 幫自己 set 個答題框架，到考試嘅時候就可以按照題目嘅內容，塞翻啲啱嘅答案入去，以確保自己唔會漏 point。除咗 set 答題框架之外，大家亦可以參考吓呢篇《DSE Econ 名師教你如何係 DSE Econ 擊敗 8 成考生輕鬆攞 5 or above!》，入面有提到好多同學溫 Econ 嗰時都會忽略嘅事項，大家亦可以參考埋裡面嘅考試技巧秘笈。
DSE BAFS Past Paper 操卷心得 + 溫書 Tips
HKDSE BAFS 企業、會計與財務概論 — 考核要求
根據考評局 2022 年 BAFS 評核大綱，DSE BAFS 考試由「卷一 (必修部分)」同埋「卷二 (選修部分)」組成。
卷一 Paper 1 (必修部分 Compulsory) (考試時間 1 小時 15 分鐘，佔全科 40%)
甲部 Section A：多項選擇題 MC (60 分)
乙部 Section B：短題目 short questions (30 分)
試卷二 Paper 2 (選修部分 Elective) (考試時間 2 小時 15 分鐘，佔全科 60%)
考生只可選擇應考以下其中一項
二甲 2A： 會計單元 Accounting module
二乙 2B： 商業管理單元 Business management module
BAFS 溫書考試攻略
不停背書、清 concept
溫習 BAFS 要由背書做起！建議各位將 Paper 1 可以背嘅嘢一字不漏咁食晒落肚，之後操卷嘅時候亦要將不停重複嘅 marking scheme 吞埋落肚。不過奉勸各位唔好臨考試前一兩個月先走黎背書，因為咁只係兩個字 ——「嘥氣」。背書呢家嘢越早越好（最好一邊學一邊背啦），因為喺背書嘅過程中，大家可以順便幫自己清埋啲 concept，確保自己真係理解各個課題嘅概念。雖然背書好麻煩，但係只要肯背，DSE 分數就有一定嘅保證。喺呢度送大家一份 by topic 整理好嘅 BAFS Accounting 筆記俾大家，希望可以幫各位同學輕鬆一眼望晒唔同 topic 嘅重點啦！
操 BAFS Past Paper 技巧
考 DSE，操練歷屆試卷就一定走唔甩。其實只要做得多 Past Paper (CE+DSE+AL)，你就會發現出題嗰個人真係又懶又無創意，出嚟出去都係嗰幾個 pattern。所以喺操完卷對答案嘅時候，唔好淨係睇自己錯咗啲乜，亦要順便留意吓不停重複嘅 marking scheme 同埋題型。搵到出題嘅 pattern 你基本上就已經贏咗一半。
DSE History Past Paper 操卷心得 + 溫書Tips
HKDSE 歷史 Hist — 考核要求
根據考評局 2022 年歷史科評核大綱，DSE 歷史考試由「卷一」同埋「卷二」兩部分組成。
卷一 Paper 1 (佔全科 60%，考試時間 1 小時 45 分鐘)：
歷史資料題 (會有不同形式嘅歷史資料，包括文獻、統計數據、地圖、漫畫及照片)
有 4 題歷史資料題，考生只需選答任何三題
卷二 Paper 2 (佔全科 40%，考試時間 1 小時 30 分鐘)
有 7 題論述題，考生只需回答其中兩題
主題甲(三) 2 同埋主題乙(四) 3b 只會喺卷二出題
Hist 歷史溫書考試攻略
溫書小貼士 Tips
雖然好多同學都好唔鍾意背書，但係講到讀歷史，背書（特別係背年份）就係一個好重要嘅部分。因為無論係卷一 Paper 1 定係卷二 Paper 2 嘅題目，都好鍾意將問題背景 set 喺某一段時期。如果唔係講嗰段時間，無論你寫得幾好，考官都係唔會比分你㗎！
另外各位同學喺溫書嘅時候，可以嘗試將課文內容分成唔同地區咁嚟溫，咁樣對睇題目會好有幫助，例如歐洲、亞洲、美國咁。用分類法去溫書，可以幫你喺考試嘅時候，一望到條題目就好快諗翻起相關嘅論點，留多啲時間俾自己寫文。
同其他科目一樣，想考個好成績嘅話，最重要當然係要做多啲 Past Paper 啦。做多啲歷史 Past Paper，盡量令自己習慣 DSE 嘅考試模式，咁樣對 set 一個好嘅作答框架會有幫助㗎！
考試技巧
同每份卷一樣，做歷史卷嘅時間控制 time management 非常重要。喺操卷或者考試之前最好分定每 part 要用嘅時間，咁樣時間就會控制得好啲。
以下係小編當年考歷史時嘅做法，大家可以參考吓：考卷一資料題嘅時候，每一分就要分配 2.5 分鐘落去，如果超時得太多就會好易做唔切。卷二論述題時，要盡量分配相同嘅時間比個兩條題目，避免太側重其中一方。
另外，做資料題嘅時候，大家要睇住個分數嚟決定寫幾多個 point。記住！即使係 3 分題都要寫兩個 point 呀！另外亦都要注意清楚題目字眼，特別係地區或者國家，例如歐洲唔包美國，而超級大國只係指蘇聯同美國咁。
DSE ICT Past Paper 操卷心得 + 溫書 Tips
HKDSE 資訊及通訊科技 ICT — 考核要求
根據考評局 2022 年 ICT 評核大綱，DSE ICT 考試由「公開考試」同埋「校本評核」兩部分組成。
「公開考試」分為卷一 Paper 1 同 卷二 Paper 2：
卷一 Paper 1 必修部分 Compulsory (佔全「公開考試部分」 70%，考試時間 2 小時)
甲部 Section A：多項選擇題 MC (佔卷一 40%)
乙部 Section B：結構式試題 structured questions (佔卷一 60%)
全部試題都需要作答
卷二 Paper 2 選修部分 Elective (佔全「公開考試部分」 30%，考試時間 1 小時 30 分鐘)
選修以下其中一項
2 (A) 數據庫 Databases
2 (B) 數據通訊及建網 Data Communications and Networking
2 (C) 多媒體製作及網站建構 Multimedia Production and Web Site Development
2 (D) 軟件開發 Software Development
有4題試題，考生只需選答3題
ICT 溫書考試攻略
溫書策略
喺 ICT 入面，MC 算係最容易升 grade 嘅 section。你只要細心留意 MC 卷，就會發現其實佢每年嘅考核內容都差唔多，所以大家要熟悉 MC 嘅出題趨勢。小編建議同學可以每星期都做一份 DSE ICT Past Paper 嘅 MC 卷，因為大約做咗 5 份之後，你就會發現其實年年都差唔多。如果操完都係覺得唔夠高分，大家可以喺對答案嘅時候順便分析以下自己邊睇 topic 比較弱，然後 by topic 咁操卷。
Section B ：因為考評局經常將唔同課題嘅問題 mix 喺同一個大題，所以會比較難去跟 topic 去操你比較弱嘅課題。另外，考試時間都比較長，每次操 section B 都要溫好書先，唔好嘥咗啲時間同埋令自己有挫敗感。每次操完之後都要檢查一下自己嘅答案，中唔中考評局嘅 marking scheme。雖然有唔少人都話可以接受嘅答案好廣，唔係全部都有寫喺 marking scheme 裡面，但係無人知到時 marker 諗乜架嘛。所以最好就 play safe，認識吓考評局要嘅答案，盡量唔好失去分數。小編認識唔少電腦好叻嘅人，但係就係唔識點寫考評局要嘅答案，所以最後都考得唔理想。
考試技巧
按照分數比例，小編建議同學 MC 可以預留大約 45 分鐘、SQ 就 75 分鐘。操卷時一定要記得掌握節奏同睇時間，上到戰場就更有效咁分配時間啦。記得操卷除咗係 test下自己對於科目嘅認識外，仲係一個令自己習慣考試節奏嘅重要經驗。記得一定要識掌握節奏，背好內容同考評局要嘅答題模式同風格。
**** 其實以上提過嘅所有技巧、方法都喺由AfterSchool 呢篇《【DSE ICT】Past Paper 操卷攻略、ICT SBA 滿分秘技》嘅 blog 度節錄出嚟，如果大家有興趣知道更多關於 ICT 攞高分嘅方法，就快啲入去睇下啦。篇 blog 唔單止有非常詳細嘅攻略，仲利用咗好多實際例子去幫同學理解 DSE 嘅 ICT 考試添！
GEOG DSE Past Paper 操練心得及溫書Tips
HKDSE Geography 地理 — 考核要求
根據考評局 2022 年地理科評核大綱，DSE 地理考試由「卷一 (必修部分 Compulsory)」同埋「卷二 (選修部分 Elective)」兩部分組成。
卷一 Paper 1 (佔全科 75%，考試時間 2 小時 30 分鐘)：
甲部Part A：MC 多項選擇題 24%
乙部Part B：Fieldwork-based 實地考察為本問題及數據／技能為本／結構式問題 39%
丙部Part C：Short Essay 短文章式問題 12%
卷二 Paper 2 (佔全科 25%，考試時間 1 小時 30 分鐘)
丁部Part D：Data 數據/ Skill-based 技能為本/ Structured 結構式問題 15%
戊部Part E：Short Essay 短文章式問題 10%
地理溫書考試攻略
考地理 DSE 其實並唔需要熟讀所有嘅Topic，所以大家喺溫書嘅時候，可以放棄 1-2 個自己無咩信心嘅 Topic，然後專攻其他內容。以下有地理 MC、DBQ 同埋 Essay 嘅考試溫書攻略，希望可以幫到大家啦！
地理 MC 多項選擇題攻略
MC 嚟講最重要就係時間管理 time management。知唔知道點解好多同學做地理卷嘅時候，成日都無時間覆卷，甚至根本完成唔到份卷？答案就係因為花咗太多時間去地圖閱讀 map reading 嗰度！其實 map reading 嘅 MC 題目真係唔值得大家投資咁多考試時間入去。大家最好就 set 定一個 time limit 比自己，萬一喺限時之內完成唔到，就撞住啲答案先，之後有時間再翻轉頭慢慢研究。除咗 map reading 之外，大家亦要留意考評局好鍾意出嘅 MC「陰濕」位。平時操卷嘅時候，各位同學要特別留意自己喺啲咩位成日「被人陰到」，然後 mark 低記住。考試嘅時候要非常仔細咁睇題目，千祈唔好白白送分比考評局啊！另外，喺新制之下，MC 嘅題目數量雖然少咗一半，但係所佔比重依然一樣。即係話，每一條 MC 都佔全科 1%！所以大家記得花多啲時間操練 MC 卷啊！
DBQ 攻略
歷屆地理考試 DBQ 嘅答案嚟嚟去去都係咁，所以比起背教科書，其實背 marking scheme 可能更加有用。大家只要做得多 Past Paper， 都應該會發現一啲經常「翻炒」嘅題目或者答案。喺溫書嘅時候，不妨按 topic、按題目咁整理歷屆試題嘅 marking scheme，然後背晒佢。假設你背咗 6 個 points，但係考試嘅時候，就算條題目只係佔 4 分，你都應該要大包圍咁將背咗 + 啱用嘅嘢寫晒落去，以確保自己唔會漏 points。因為有機會要寫好多字，所以無論如何，答 DBQ 嘅時候都記得要寫！快！啲！
Essay 短文章攻略
好多人覺得 Essay 只不過係吹水題，答咩完全係臨場發揮。不過，其實 Essay 題都係有得準備㗎！每一個課題 topic 都有屬於自己嘅幾個答題框架 (e.g. 大氣圈、水圈、岩石圈、生物圈)。喺答題嘅時候，大家可以跟住個框架放翻適當嘅答案入去。咁樣篇文唔單止望落結構嚴謹，而且可以避免漏 point 嘅問題。另外，大家溫書嘅時候要習慣幫每個 point 諗定 1-2 個例子，方便到時考試嘅時候可以好快咁寫到出黎。
延伸閱讀：地理 DSE DBQ 攻略
延伸閱讀：DSE 地理 Essay 攻略
DSE 中史 Past Paper 操卷心得及溫書Tips
HKDSE Chinese History 中國歷史 — 考核要求
根據考評局 2022 年中國歷史科評核大綱，DSE 中史考試由「試卷一 (歷史發展)」同埋「試卷二 (歷史專題)」兩部分組成。
試卷一 (佔全科 70%，考試時間 2 小時 15 分鐘)：
第一部分分別於甲部及乙部各有 1 題，考生只需選答 1 題，佔 20 分
第二部分分別於甲部及乙部各有 3 題，考生可從 6 題中自由選答 2 題，佔 50 分
試卷二 Paper 2 (佔全科 30%，考試時間 1 小時 20 分鐘)：
設 6 單元，每單元各設 3 題，學生從所選的 1 個單元中選答 2 題，共答 2 題完卷，佔 50 分
中史溫書考試攻略
溫書策略
雖然中史 DSE 考試出名範圍廣、內容長，但係奉勸各位同學千祈唔好 tip 題目 tip 得太窄，甚至放棄唔溫習部分內容。因為近年考評局卷一必答題都傾向以跨單元嘅形式出，甚至出好多冷門 topic 同題目。為咗避免失去全題嘅分數，同學喺溫書嘅時候，就算時間幾緊迫都好，至少都要將唔係主力溫習嘅範圍睇 2-3次，等自己對相關內容有印象。如果唔好彩遇到啲無咩點溫過嘅必答題，都可以靠少少嘅印象、題目資料同答題技巧拯救自己。建議大家溫書嘅時候唔好溫得咁專，可以考慮以板塊為一個溫習單元，跨時代咁溫習。
至於卷二呢啲真真正正考史實嘅題目，大家就真係要好俾心機咁背書啦！
考試技巧
卷一必答題其實比較資料主導，考核各位同學嘅演繹能力。想考好必答題，比起背書，其實操練 Past Paper + 練好答題技巧更加重要。另外，其實呢部分只要求考生中 points、中字眼，所以大家並唔需要非常詳細咁寫答案，盡量以短答嘅方式答題。雖然考評局嘅建議答題時間喺 55 分，但其實 45 分鐘應該已經足夠。大家作答嘅時候亦要注意自己嘅答題方向，千祈唔好偏離資料啊！
選答題方面，除咗要求大家中 point 之外，評卷員畀分嘅時候仲會考慮埋答案嘅「詳細程度」。不過，比起寫得非常詳細但係唔齊 point，寫齊 point 而無咁詳細嘅得分會比較高。所以各位同學除咗要留意字速同寫詳細啲之外，亦要注意時間控制，唔好過分投資啲時間去某一個論點度！
卷二方面，中史嘅考生只需要揀 1 個單元，然後回答入面嘅其中 2 條題目。建議大家最好就全面咁溫熟自己會揀嘅嗰個單元，到應考嗰陣有多一個選擇嘅機會，而唔係被逼作答某2條題目。
DSE 中國文學 Past Paper 操卷心得及溫書Tips
HKDSE Chinese Literature 中國文學 — 考核要求
根據考評局 2022 年中國文學科評核大綱，DSE 中國文學考試由「公開考試」同埋「校本評核」兩部分組成。
「公開考試」部分咗「卷一 (文學創作)」同埋 「卷二 (文學賞析)」兩份卷：
卷一 (文學創作，佔全科 34%，考試時間 2 小時)：
共有兩條題目，考生只需要二揀一作文一篇，文白不拘，字數不限
卷二 (文學賞析，佔全科 66%，考試時間 2 小時)：
共設四題，考生只需要四揀二
中國文學溫書考試攻略
卷一攻略
卷一文學創作雖然都係考作文，但評分標準同中文科嘅作文有啲分別。相對於中文寫作卷，文學創作唔單止要求各位扣題，想要攞高分，大家更加要用字精準同識得表達情感。所以考試嘅時候，各位同學可以根據自己嘅體會同感受去揀題目。喺用字表達方面，雖然好多同學都會事先背定一啲靚嘅文句，希望考試嘅時候可以用到，但大家應該避免抄襲。
文學創作嘅題目字數較短，限制較少，同學可以發揮嘅空間都比較大，但大家需要留意題目字眼，避免離題。以「過關了」為例，雖然「過關」呢個詞語可以從好多方面入手，但係「了」呢個字眼就限制咗「過關」呢件事發生嘅時間。另外，大家亦都應該避免書寫太過空泛嘅內容，要加入唔同嘅例子去形象化所描述嘅事物。
時間控制方面，建議各位喺一開始嘅時候要花大約 10-15 分鐘去寫大綱。因為文學創作嘅發揮空間較大，好多時候同學寫寫下主線情節會突然分咗心去寫其他枝節位，令成篇文變得好亂。寫大綱唔單止可以幫大家整理好故事嘅主線情節，仲可以避免大家出現太貪心嘅情況，浪費時間寫咗好多多餘嘅嘢。
卷二攻略
卷二通常都係要求大家將屬於同類型文體嘅指定篇章同課外篇章進行比較。所以大家係溫習嘅時候可以按文體溫書，並將內容大意、人物性格分類整理，方便喺考試嘅時候應用。呢幾年 DSE 中國文學考試所出嘅題目越問越仔細，所以同學更加應該熟讀文章，以確保自己攞到一定嘅分數。另外，大家有時間不妨睇多啲其他文學作品，咁樣唔單止可以幫助提升自己嘅閱讀理解能力，更可以累積詞庫，對卷一文學創作都有好大嘅幫助㗎！
考試嗰陣，大家喺閱讀課外篇章嘅同時，亦要時刻留意文章嘅寫作手法同埋主題思想。喺睇題目嘅時候，仲要留意題目字眼，了解題目要求嘅引文同闡述方向，避免離題失分。
DSE Music 考試重點
HKDSE Music 音樂 — 考核要求
根據考評局 2022 年 DSE Music 評核大綱，DSE 音樂考試由「必考部分」同埋「選考部分」兩部分組成。
必考部分：
卷一 (聆聽) (公開筆試)：
甲部：西方古典音樂 (考試時間 75 分鐘）
乙部：中國器樂、粵劇音樂、本地及西方流行音樂 (考試時間 75 分鐘。甲部及乙部共佔全科 50%)